بسم الله الرحمن الرحيم
بسم الله نبتدى أول طريق الأحلام
أولا صباح الورد على كل آدم وعلى كل حوا
صباح الحب .. صباح الأمل
صباح الحياة ...
يارب تكون يا آدم بخير .. يأرب تكوني يا حوا بخير
يارب العالم كله يكون بخير .. وأنا كمان يعنى .. مش معقول أبقى بره الخير
أنا هبتدى وهدخل في الموضوع علطول ومش هطول عليكوا ...
بصراحة أنا كل يوم بحاول إني أقرا في مدونات جديدة مكنش دخلتها قبل كده .. أو على الأقل أشوف أقلام جديدة لمفكرين وكتاب ومثقفين وسياسيين واقتصاديين وصناع سينما وهكذا .. يعنى دايما بنتعلم عشان نقدر نستفيد ونفيد .. ونحاول كمان نرتقي بمستوانا الفكري والأخلاقي في الحوار وطريقة الكتابة .. عشان نقدر نخرج الروائع
قلت ليه ميكونش فيه خريطة لينا كلنا .. خريطة لكل المدونين ... فيه واحد ببقول يا عم في إيه ما في مجمع للمدونات العربية أقوله ثواني اصبر .. أنا هنا هضيف المدونات حسب التصنيف يعنى كل قسم خاص بذاته وهيكون كدهسياسيهاقتصاديهدينيهأدبيه- ودي متفرعة ( قصائد – خواطر – فوضوية حواس – نثرجاليرى -الرسومات الشخصية واللوحات العالمية والتصوير طبعا
فنية = سينما وفنون
موسيقى - دى للناس الجميلة اللي بتبقى مهتمة بالميوزك
المناقشات
يوميات
فكاهة
وبكده هتسهل على الباحث سواء كان المدون نفسه في الاطلاع على مدونات ما أو على القارئ الوصول إليك بطريقة أسهل وأفضل
.. كل ما عليك هو فقط هو
1
اضافه اسمك الشخصى الثلاثي
- 2 –
اضافة اسمك مدونتك
3
اللينك الخاص بالمدونةيله خلى الناس تعرفك ..
خلى الكل يقرا خطوط قلمك ..
خطوط قلبك وفكرك
ملاحظات
1 – الناس الجميلة اللي عندها اكتر من مدونة .. كل ما عليك هو اضافه كل مدونة في القسم الخاص بها .. وان لم يتم العثور على قسم يناسب مدونتك كل ما عليك هو إضافتها مع اسم القسم الذي تود إضافتها تحت اسمه
2 – هناك بعض الأخوات ( البنات ) التي لا يردن بالطبع نشر أسمائهن كاملة أو يفضلن اختيار كنية مثلا .. وهذا مقبول تماما .. فلكل منا حريته ..
إلى عالم أفضل .. عالم حرية القلم
عالم عربي جميل
اللهم وفقنا إلى ما تحب وترضى
